4:13 am - Thursday May 25, 2017

Tensionet mënjanë, Trump lavdëron Erdoganin si aleat ndaj terrorizmit

Presidenti Donald Trump nisi bisedimet me homolgun e tij turk, Recep Tayyp Erdogan, ndërsa mes dy vendeve ka tension për vendimin amerikan për të armatosur luftëtarët kurdë në Siri, gjë që zemëroi Ankaranë, një partner thelbësor i koalicionit të udhëhequr nga SHBA në luftën kundër Shtetit Islamik.

Megjithatë, pavarësisht se çfarë mund të jetë diskutuar pa praninë e medieve, në konferencën për shtyp dy udhëheqësit kishin vetëm fjalë të mira për njëri-tjetrin.

“Popujt tanë kanë qenë miq dhe aleatë për shumë dekada. Ne mbështesim Turqinë në luftën kundër grupeve terroriste, si Shteti Islamik dhe PKK. Me presidentin Erdogan po diskutojmë edhe për përforcimin e lidhjeve tona tregtare”, tha Donald Trump, president i Amerikës.

Pa hyrë në detaje, Trump tha se takimi me Lavrov ishte shumë i suksesshëm dhe se do të ketë suksese të tjera në vitet në vazhdim, pasi SHBA kërkon sa më shumë partnerë në luftën kundër terrorizmit.

Filed in: Postime t'reja

No comments yet.

Leave a Reply