Ballina Jeta C’ke o shpirt i shqetesuar!!???

C’ke o shpirt i shqetesuar!!???

4
0
SHPËRNDAJE

Ç’ke o shpirt i shqetësuar, që gjithçka po të shqetëson! Shqetësim, kur ti brenda teje i qetë s’je. Kërkon diçka, që ti as vetë nuk je në gjendje ta kuptosh! Pse nuk qetësohesh, e ta freskosh zemrën tënde duke përkujtuar se, shqetësimet e tepërta, të ndalojnë çdo lëvizje brenda teje; të bëjnë të paaftë të mendosh, e të bëjnë të rënduar ndaj çdo gjëje kur me të përballesh.

O shpirt i mërzitur! Mos e kujto të kaluarën. Harroje atë. Nuk ke pse të lidhesh me të e ta mbash veten pengë të saj. Mos u bë pengë!
Pse mendon se ti je viktimë! Pse mendon se ti je i rënduari! Pse mendon se ti je shqetësimi vetë! Të është rënduar gjendja, por dije se askush gjendjen të lehtësuar s’e ka. Gjithkush ka diçka të pambaruar, diçka të pa arritur, diçka pra që e shqetëson! S’je i vetmi, por ndryshon vetëm mënyra sesi përjetohet a përballet ai shqetësim.
Të është rënduar dunjallëku! Të ka lodhur jeta! Të ka kapur rrota e problemeve! Të janë shtuar përgjegjësitë ndaj gruas, ndaj fëmijëve, ndaj familjes! Ke punë që duhet kryer!
Jo pra, dije o shpirt i shqetësuar! Se jeta e rënduar gjithnjë ka qenë! Deri në fyt, njerëzit, kanë qenë të mbushur me brenga. Asnjë njeri që sot merr frymë, nuk mund të thotë se jeta s’i është rënduar, apo që s’ka ndonjë brengë që e bren. Të gjithë kanë ndonjë shqetësim, ndonjë brengë, ndonjë problem. Porse je habitur, e po mendon se je i vetmi njeri në fytyrë të tokës me sfida e përgjegjësish të papërballueshme.

O shpirt i shqetësuar! Më thuaj, kush pra nuk ka ndonjë punë për të kryer! E kush pra nuk ka ndonjë përgjegjësi ndaj dikujt, qoftë ndaj familjes apo të tjerëve, ende të pa mbaruar. Pse shqetësimin ia shton vetvetes! Ti s’je i vetmi që të është mbushur kupa e pakënaqësive. Por eja t’i japim fund këtyre komplekseve, që po na i zënë frymën, e të marrim frymë lehtë!

PËRGJIGJU

Please enter your comment!
Please enter your name here