SHPËRNDAJE

Egjiptianët po votojnë sot në zgjedhjet presidenciale, të cilat, presidenti aktual Abdel Fattah al-Sisi, ka më së shumti gjasa që t’i fitojë, transmeton REL.

Votimet kanë nisur sot dhe do të zgjasin tre ditë. Zyrtarët kanë thënë se rezultatet e votimeve pritet të shpallen më 2 prill.

Vendvotimet do të jenë të hapura për 12 orë çdo ditë dhe mbi 60 milionë votues kanë të drejtë vote.

Sisi po përballet me një kundërkandidat pak të njohur, Moussa Mostafa Moussa, i cili është regjistruar në garë në minutën e fundit.

Sidoqoftë, përpara se të merrte pjesë në garë, Moussa ka qenë zyrtar në fushatën zgjedhore të Sisit. Megjithatë, ai ka insistuar se nuk është “kukull” e presidentit të Egjiptit.

Zgjedhjet në Egjipt po mbahen nën masa të shtuara të sigurisë. Grupi militant Shteti Islamik ka kërcënuar se do të kryejë sulme gjatë zgjedhjeve. Militantët janë fajësuar për vrasjen e qindra personave në Egjipt gjatë viteve të fundit.

PËRGJIGJU

Please enter your comment!
Please enter your name here

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.