Ballina Jeta Shkëndija përforcohet në menaxhmentin e saj .Dr. Abdylmenaf Bexheti president i ri...

Shkëndija përforcohet në menaxhmentin e saj .Dr. Abdylmenaf Bexheti president i ri i KF Shkëndisë

29
0
SHPËRNDAJE

KF Shkëndija vazhdon përforcimet drejt ngritjes të nivelit të klubit në suaza sa më profesionale. Nëse periudhën e kaluar ekipi ishte aktiv në prurjen e emrave të njohur në kuadrin e futbollistëve, tani Shkëndija përforcohet në menaxhmentin e saj. Konform ambicieve dhe objektivave strategjike të klubit, në mbledhjen e ditës së dielë të mbajtur në zyrat e Shkëndijës, z. Lazim Destani ka sjellë përforcime në strukturën e klubit duke e emëruar në postin e presidentit Prof. Dr. Abdylmenaf Bexhetin.

Emër i ri në kryesi është Ibrahim Ramadani, që emërohet Menaxher i Përgjithshëm në Departamentin e Sportit të KF Shkëndija. Kryetari i deritashëm Lulzim Imeri mbetet pjesë e ‘kuqezinjëve’, duke u spostuar në pjesën finansë-administratë.

Me strukturimet e reja menaxhmenti i Shkëndijës merr një pamje të re dhe të organizuar si vijon: Prof. Dr. Abdylmenaf Bexheti është numri një i Shkëndijës, ndërsa pas tij në funksionet më të larta në skuadër do të jenë Ibrahim Ramadani si Menaxher i Përgjithshëm për Sport dhe Lulzim Imeri, Menaxher i Përgjithshëm i departamentit të financave dhe administratës.

Pjesa sportive ku përgjegjës është Ramadani ndahet në tre pjesë, edhe atë stafi teknik, skautët dhe Akademia.

Ndërkohë departamenti ku do të veprojë Lulzim Imeri, përfshinë finansat, marketing-media dhe operativë, secila prej këtyre me persona përgjegjës që vazhdojnë në pozitat e tyre që i kanë kryer edhe në periudhën paraprake.

Ditëve në vijim pritet që presidenti i ri Prof. Dr. Abdylmenaf Bexheti t’i harmonizojë objektivat strategjike dhe resurset për përmbushjen e tyre. Me ndryshimet e reja, KF Shkëndija sjell një frymë të re duke plotësuar mozaikun edhe në menaxhment dhe duke përcjellë mesazhe të qarta se ekipi ‘kuqezi’ në sezonin e ri do të kërkojë trofetë në kampionat dhe Kupë. 

® Mos i bëj vetëm ‘LIKE’ këtij postimi por SHPËRNDAJE pasi dikush mund të ketë nevojë ta lexoje sot!

Të gjitha të drejtat e rezervuara © freskirinore.com

PËRGJIGJU

Please enter your comment!
Please enter your name here

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.