SHPËRNDAJE

Fondi i Kombeve të Bashkuara për Fëmijët (UNICEF) ka njoftuar se niveli i martesave në moshën fëmijërore ka shënuar rënie në nivel global, transmeton Anadolu Agency (AA).

Në raportin e publikuar nga UNICEF-i thuhet se niveli i vajzave të martuara gjatë 10 viteve të fundit ka rënë për 15 për qind.

Me këtë, niveli i vajzave të martuara nga 1 të katërtat ka rënë në një nga çdo e pesta vajzë. Mirëpo, ky nivel në Afrikën Sub-Sahariane gjatë 10 viteve të fundit nga një të pestat u rrit në 3 të pestat.

Në raport thuhet se në 10 vitet e fundit janë parandaluar 25 milionë martesa të moshës fëmijërore.

Rënia më e madhe në martesat fëmijërore është shënuar në Azinë Jugore, sidomos në Indi, thuhet në raport. Rreziku i martesës së vajzave të rajonit të moshës nën 18 vjeç nga 50 për qind ka rënë në 30 për qind.

Në uljen në fjalë thuhet se ka ndikuar rritja e nivelit të edukimit të vajzave, investimet e qeverive në edukimin e vajzave adoleshente si dhe mesazhet e fuqishme tek opinioni publik lidhur me dëmet e martesave fëmijërore dhe apelet se martesat e tilla janë të paligjshme.

Sipas të dhënave të reja të UNICEF-it mendohet se gjatë një viti 12 milionë vajza martohen me dhunë. Aktualisht në gjithë botën ka rreth 650 milionë gra të martuara para moshës 18 vjeçare.

PËRGJIGJU

Please enter your comment!
Please enter your name here

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.